Weichbild magdeburski w układzie śląsko-małopolskim.
Wersja krakowska
Rękopis Biblioteki Uniwersytetu Wrocławskiego, sygn. II Q 4, k. 7r–7v
Odczyt: Maciej Mikuła
Artykuł 21 [Gn. 20]

[21] De debito querela

XXI. Quicumque aliquem coram iudicio bannito pro debito impulsaverit, si debitum coacto iure consecutus fuerit, oportet eadem die solvere et iudex in eo suam penam acquisivit. [k. 7v] Si autem querimonia facta fuerit super aliquem pro debito, de quo fatetur, solvere tenetur infra duas ebdomadas, et si in tempore statuto debitor non solverit, extunc iudex in eo penam suam acquisivit. <de debito recognito ^a> Extunc solvere mandat ad octo dies, deinde ad tres dies, extunc die sequenti. Quociens tunc mandatum debitor adimplere neglexerit, tociens penam in eo iudex acquisivit. Si penam iudici et debitum creditori non persolverit, tunc fundatur sua possessio. Per hoc compelletur, quod debitum creditori et penam iudici persolvet. Si autem possessione caruerit, extunc banno compellitur et tunc bene potest comprehendi, ubi visus fuerit pro debito et pena. Et quicumque ipsum ultra hoc tenuerit, penam iudici demeretur.

^a dopisane na marginesie

[hasła: dług, skarga, świadczenie, termin, dłużnik, sędzia, mulkta, kara sądowa, wierzyciel, posiadanie, kara]