Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.

Rękopis Biblioteki Kórnickiej, sygn. 802, k. 21r

^a- Aeschylus. Prava hominis natura magnam potestatem nacta, magnas in republica inducit calamitates^-a
a-a Mniejszym duktem na górnym marginesie rękopisu.

Anno Domini millesimo quadringentesimo octogesimo quinto die vero Lune tertia mensis Octobris [3 X 1485]. In rectoratu egregii viri Mathie de Costen decretorum doctoris et ad sanctam Annam in Cracouia ecclesie parochialis rectoris statuta infrascripta domus Burse Canonistarum in platea sancti Andree site convocacione generali ad omnes doctores et decanos ac collegiatos omnium facultatum sub pena non contradicendi per ipsum dominum doctorem et pro tunc rectorem, die prefata hora vigesima in Collegio Dominorum Artistarum facta et assignata sunt auscultata et approbata. Cui quidem convocacioni doctores et magistri isti ex nomine interfuerunt videlicet: Stanislaus Zawada, Stanislaus Brzeszyna, Mathias Cobylijno, Bernardus Nissa, Johannes Pylcza magistri et sacre theologie professores; Johannes de Szkavina, Johannes de Vyszoka dicte burse senior, Petrus de Coszlow, Andreas de Gorra decretorum doctores et artium liberalium magistri, Johannes de Reguli medicine doctor, Stanislaus de Gorka artistarum decanus, Petrus de Zambrzedz, Martinus de Cracovia, Andreas de Labyschyn magistri et collegiati domus Artistarum. Qui omnes ipsa statuta approbarunt et ex super habundanti doctores absentes protunc ad revidendum predicta statuta deputarunt videlicet: Arnolphum de Myrzynyecz canonicum Cracoviensem, Stanislaum Cobylyenski, Clementem de Pyotrkow ordinarium iuris canonici decretorum doctores. Quibus statutis per prefatos viros sic deputatos revisis et correctis beneque intellectis ipsi domini deputati mandarunt ea firmiter et inviolabiliter observare et manu tenere sub debito obedientie ipsius domini rectoris ac suorum successorum, etc.

[hasła: rektor uniwersytetu, zgromadzenie ogólne uniwersytetu, zatwierdzenie statutów, rewizja statutów, komisja, senior bursy]