Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.

Rękopis Biblioteki Kórnickiej, sygn. 802, k. 29r
Odczyt: Marcin Baster

<De audiendis lectionibus in iure canonico>^a

Anno Domini millesimo quadringentesimo nonagesimo secundo, die Iovis prima mensis Martii in plena convocacione doctorum et magistrorum duntaxat salariatorum, per venerandum patrem magistrum Mathiam de Cobylino sacre theologie professorem, lectoremque ordinarium ejusdem ac rectorem universitatis protunc existentem facta. Uno omnium ore conclusum est et statutum, quod omnes et singuli studentes in Bursa Canonistarum alias Longini nuncupata commorantes, ne et tempus et pecuniam inutiliter consummant, utque ipsis in scientia et moribus proficiendi via oportuna non desit, lectiones pro decretorum doctores in facultate canonica legi consuetas qualibet die legibili audire diligenter debeant et sint astricti, prout hoc in privilegio fundacionis prefate Burse Canonistarum clare expressum est. Istaque fuit motiva ratio, et finalis ipsius fundatoris. Quod si quis iusto impedimento cessante, de quo senior prefate burse cognoscere debet, minime facere curaverit, extunc prout exnunc et exnunc prout extunc monicione premissa penam exclusionis de domo studiosorum, tanquam arbor infructifera sese noverit incursurum ipso facto. Acta sunt hec tempore quo supra. In Collegio Maiori Artistarum. Datum rectoratus sub sigillo.

^a Na lewym marginesie: qui lectiones non audit excludendus. Na prawym marginesie: Statutum now[ um] Lectione[ …] audiend[…]; Lectiones qui non a[ udi] unt excl[ udan] di.

[hasła: zgromadzenie uniwersytetu, profesor ordinarius, rektor uniwersytetu, student, wykład, wydział prawa, fundator, przywilej fundacyjny, senior bursy, kara wykluczenia, pieczęć]