Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.
Rękopis Biblioteki Kórnickiej, sygn. 802, k. 32r
Statutum noviter confectum, in rectoratu venerabilis domini Stanislai Byel. etc.a
Anno Christi 1522 octava mensis Martii in rectoratu venerabilis et egregii viri domini Stanislai Byel de Nova Civitate sacre theologie professoris et canonici ecclesie cathedralis Cracoviensis, in Collegio Canonistarum facta convocacione dominorum doctorum, seniorum patrum, decanorum et consiliariorum per dominos videlicet Bernhardi de Cracovia, decani Sancti Floriani in Florentia, Nicolai Mikosch custodis eiusdem ecclesie, Martini de Ilkusch canonici, professorum sacre theologie eiusdem facultatis, Nicolai de Coprzywnycza, Jacobi Erczycschow canonicorum Cracoviensium, Joannis de Nyeskowa, prepositi Sandecensis, Martini Belza, Erasmi de Cracovia et Gregorii de Shamothuly lectoris ordinarii, de quorum premissorum ex unanimi consensu et nomine totius universitatis conclusum est, ut doctor Stanislaus Bargyel senior Burse Iuristarum et sui successores protunc in eadem bursa existentes ex nunc et peramplius actum unum in septimana feriis sextis, aut si festum in feriam sextam veniret, feriis quartis semel in septimana celebret, secundum ordinem camerarum studentiumb, morantium in eadem bursa, nulla excusacione habita, cuiuscunque status fuerint, sive sint doctores alibi promoti suo ordine respondeant, sub pena duorumc grossorum ad carbanam irremisibiliter reponendorum, exceptis doctoribus hic promotis etd incorporatis et baccalariis facultatis canonice, quos volumus habere absolutos iuxta contenta privilegiorum nostrorum.
Insuper intendendo statutis domus prefate Burse Longini constitutum est, ne ipse senior suscipiat in domum, nisi prius portata recognicione de subtitulacione facta a Domino rectore, ad quod eundem seniorem astringimus. Actum et datum ut supra.
a Na lewym marginesie: Actus in contubernio celebrandi; [.....] secundum ordinem camerarum; […] sub poenis 2 gros.; Inscribendi primo; Senior non suscipiat studiosos ad contubernium […..] authe[…]. b Dopisano: omnium. c Słowo poprawi ane. d Poprawiono na: atque.
[hasła: wykład, kara pieniężna, rektor uniwersytetu, immatrykulacja]