Statuty Bursy Prawników (Długosza) Uniwersytetu Krakowskiego z 1485 r.

Rękopis Biblioteki Kórnickiej, sygn. 815, k. 4r-v
Odczyt: Marcin Baster

De iniuriis circa tabulam

Nullus alterius talare recipere aut occupare vel ad cameram deportare audeat, sub poena quadrantis.

Aliud

Item nullus circa tabulam rixose contra alium tempore prandii aut coenae insurgere audeat, sub poena sex grossorum. Sed si quae sibi iniuria inferri videantur pacifice tolleret^a quousque coena vel prandium finiatur, post vero seniorem accedat et offensam pulchre et honeste exponat, senior vero paratus sit partibus iustitiam exhibere^b

^aPoprawione wtórnie na: tolle et. ^bW rękopisie błędnie: cochibere.

Aliud

Item nullus alterius portionem circa tabulam recipere praesumat, duoque simul et semel praetermisso ordine pro portione scutellam intingere non audeant. Si qui vero oppositum facere inventi fuerint, tanquam leves et moribus carentes, de ordine studentium commensalium eiusdem [k. 4v] mensae excludantur et circa finalem tabulam ad eandem mensam collocentur et in duobus quadrantibus nihilominus puniantur, ne praetermissis moribus scienciam acquirere valeant.

[hasła: kara pieniężna, krzywda, senior bursy, student, współstołownik, kara wykluczenia]