Statuty Uniwersytetu Krakowskiego z 1604 r. (tzw. Dobrocieskiego)

Rękopis Archiwum Uniwersytetu Jagiellońskiego, sygn. 47 ½ , s. 13-14.

De bedellis universitatis

Bedelli viri bonae conditionis et famae, et aliquantum literati per universitatem eligantur duo, et non possunt sine notabili causa amoveri, qui iurabunt quod obedient domino rectori et ad illius vocationem venient, et statuta universitatis ad eos pertinentia servabunt. Unus singulis diebus ad rectorem veniet, alter lectores omnium facultatum obibit, observando et notando, qui legunt vel non legunt lectiones suas et cum decanis facultatum die Sabbati conferre negligentias et negligentiarum per decanos facultatum signatarum notulam singulis septimanis domino rectori affere erit obligatus. Lectoria munda tenebunt, fenestras lectoriorum eximent et imponent pro diversitate temporum. Rectorem in omnibus diebus festivis et dominicis ad ecclesiam euntem sequentur. In omnibus actibus publicis universitatis aderunt, et in facultatum convocationibus decanis operam suam navabunt. Pro salario suo ex fisco universitatis singuli habebunt in singula quatuor tempora binos [s. 14] florenos; a singulis professoribus salariatis binos grossos in singula quatuor tempora. A singulis magistris et baccalaureis non salariatis grossos singulos. A singulis studiosis medietatem similiter in singula quatuor tempora. Ab iis, qui promotiones et gradus in universitate accipiunt, habebunt secundum antiquam consuetudinem.

[hasła: bedel, rektor uniwersytetu, dziekan wydziału, wykłady, lektoria, ceremoniał, akt publiczny, wynagrodzenie, promocja]