Statuty Uniwersytetu Krakowskiego z 1724 r. (tzw. Waleszyńskiego)

Edycja: Statuta Uniwersytetu Krakowskiego, red. J. Szujski, „Archiwum do Dziejów Literatury i Oświaty w Polsce”, t. 2, Kraków 1882, s. 376–377.

STATUTUM XVII.
De Iudiciis Rectoris.

Quod a prima fundatione, ex concessione tam Sedis Apostolicae quam

Serenissimorum Regum, et Serenissimae Reipublicae Polonae Universitas nostra obtinuit, hoc inviolabiliter observari volumus, ut Rector habeat iurisdictionem ordinariam super omnes, qui in Civitate Cracoviensi et suburbiis ejus studii causa moram traxerunt in omnibus causis civilibus et criminalibus levioribus nec ullum unquam in iisdem causis Doctorem, Magistrum, Scholarem, Bedellum, alibi coram judice quocunque ecclesiastico vel saeculari audeat convenire, sub poena decem marcarum grossorum Pragensium. [s. 377] A sententia autem Rectoris nullus appellare valeat vel supplicare, aut restitutionem in integrum petere, nisi ad Consiliarios Universitatis. Quod si fuerit Causa magni momenti, a Consiliariis poterit dari appellatio ad Universitatem. Si autem causa fuerit inter Professores Beneficiatos, ad Episcopum Crac. tanquam Cancellarium Universitatis pro tempore existentem reccurri debeat iuxta privilegium Vladislai Regis per Sedem Apostolicam confirmatum. Quidquid autem Episcopus cum Rectore et Decanis Facultatum vel majori parte decreverit, istud sine omni contradictione servari debebit sub poena excommunicationis et exclusionis, iuxta Privilegium Alberti Episcopi et Cancellarii Universitatis et Sedis Apostolicae Delegati; et hoc ne Professores per lites et jurgia a suis lectionibus avocentur, et finis litibus expeditius imponatur. In Criminalibus vero majoribus, de numero Studiosorum excedentes proscribantur de Urbe per Officia Saecularia pellendi.
[hasła: rektor uniwersytetu, władza sądownicza, konsyliarz uniwersytetu, apelacja]