Statuty Uniwersytetu Krakowskiego z 1724 r. (tzw. Waleszyńskiego)

Edycja: Statuta Uniwersytetu Krakowskiego, red. J. Szujski, „Archiwum do Dziejów Literatury i Oświaty w Polsce”, t. 2, Kraków 1882, s. 391–392.

De Bedellis Universitatis.

Bedelli viri bonae conditionis et famae, et aliquantum literati per Universitatem eligantur, qui jurabunt, quod obedient Dno Rectori et ad illius vocationem venient et statuta Universitatis ad eos pertinentia servabunt; unus singulis diebus ad Rectorem veniet, alter lectores omnium facultatum obibit, observando vel notando, qui legunt lectiones suas, et D. D. Decanis facultatum die Sabbati deferet negligentias, jam vero Decani facultatum easdem negligentias in decursu commutationis aut ante dandas rationes per Procuratorem Magnifico Rectori in scripto porrigent, lectori[s. 392] orum munditiam conservabunt, fenestras lectoriorum eximent et imponent pro diversitate temporum, in praesentia Dispensatoris vel Praepositi orbiculos annotabunt. Tumultibus aut inconvenientiis studiosorum inter Judaeos ac in aliis locis attendent. Rectorem in omnibus diebus festivis et dominicis ad ecclesiam euntem, unus sequetur. In omnibus actis publicis Universitatis aderunt et in facultatum convocationibus Decanis operam suam navabunt. Dismembrationes ex manibus Procuratoris Universitatis fideliter deferent. Pro salario suo et fisco Universitatis singuli habebunt in singula quatuor tempora per florenos quatuor, et pro mansione unusquisque pro anno florenos viginti. Ab his, qui promotiones et gradus in Universitate accipient, juxta antiquam consuetudinem.
[hasła: bedel, rektor uniwersytetu, dziekan wydziału, wykłady, wynagrodzenie, promocja]